*所有內容及圖片嚴禁任何形式轉載
三年前剛剛開業初期時曾經作出不同嘗試，了解哪些教學方法較貼合香港名校生的需要。
一開始係好chur好chur咁嚴格規定自己，常規課程要4堂內完成一個單元，由生字、閱讀理解、句式、思維組織到作文，作文仲要叫小朋友自己落堂作！
當時堂堂內容講足一小時、落堂後先寫作，好啦結果功課收返黎，不論中小學咩年級，每班淨係收得返三四份作文...
嚴禁轉載聲明：本網站所存在的一切知識產權，屬於我們所有，或已合法地特許給我們在本網站上使用。由適用法例所授予的一切權行，茲在此予以保留。除我們給予特許外，閣下不得以任何形式及方式，創立衍生作品、下載、翻印、複製，或節錄我們的故事或文章內容放在其他網站圖利。
有家長話小朋友落堂後家中無人可以解答作文時的疑難，所以自己寫下寫下就作錯咗方向;
有家長話學校太多功課、根本spare唔到額外時間再作文，weekend太攰不想工作;
有家長話小朋友嚴重拖延症，無人限佢時、作下又停下咁，足足拖左成個下晝先作得兩段仔…
咁就唯有轉陣，每個單元改為用1-2堂作文，一開始連自己都好擔心: 「嘩! Dead air咁耐等佢地作呀? 得唔得架…?」
結果出到來效果竟然好好多，Zoom Live小朋友(尤其是P1-P3)除了跟Mindmap同寫作大綱之外，有唔明白的地方佢地又會舉手問，好多情況係問一兩句就足以救返成篇文唔離題；限佢地堂上作完即刻upload當mini exam咁，佢地夠鐘要停筆，寫唔哂就老老實實交代返點解作唔完，學埋時間管理、反思返自己咩位諗得太耐或者寫得太多。
久而久之，堂上作了三年後的今日，寫故事佢地當然手到拿來，全堂唔洗點問、默默寫夠200-300字，下一堂睇返佳作、再學其他小朋友更精妙的技巧同ideas。去到作新文體時，又再返去邊作邊問一堆問題mode，有時甚至一個救全班 一個同學問岩問題，全班一齊表露「原來係咁！」，有個燈膽在頭上叮一聲的模樣！非常可愛！
香港學校的家課政策各異，一方面大多數名校的學校課程緊湊、課業量重，各科評估更密鑼緊鼓地進行，另一方面Happy School或行IB課程的學校則較輕鬆，放學後只有2-3份功課、甚至沒有功課！因此家長對課後學術課程的期望和要求各有所不同，乃人之常情。
家長各有期望，設計教材時唯有諗多幾步。越低年班、越近假期就越多Optional Task (可選擇完成與否的功課)，讓有意課後完成練習的小朋友和家長有更多機會。教學重點及寫作必定要遷就那一班忙碌的小朋友，絕對不能再加重他們學習上的負擔，以免影響他們的學習興趣。假期要比佢哋做完學校暑期功課就真放假(有小學生表示已經收到500題數要計)，做些自己喜歡的事情，保留童年快樂時光！
教學經驗分享寫得有點長，多謝您睇到呢度，希望小小分享能找到與我理念相同的家長，一起繼續守護和啟蒙下一代。
筆者簡介
Miss Charlotte Chiu
Charlotte's Writing Garden
創辦人及唯一導師
擁有豐富的英文教學經驗，致力於研究高效學習策略，讓學生透過寫作發展出思考能力。
善於啟發學生的創意思維，激發他們在文字表達中發現自我，打破語言學習的框架，讓學習寫作變得有趣。
透過線上平台分享實用的英文寫作技巧，深入了解學生需求，提供最適合尖子的學習計劃，助他們在英文寫作中更上一層樓。
相信每個學生都有無限潛能，透過正確的學習方法，可以輕鬆掌握英文寫作，為未來的學業奠定穩固基礎。