每隔一段時間，我就會收到一些來自 “happy school” 家長的求助訊息，內容大致上係「小朋友 happy school free 慣，由幼稚園開始到三年級就無乜功課，而家要準備升中好吃力呀！」…
嚴禁轉載聲明：本網站所存在的一切知識產權，屬於我們所有，或已合法地特許給我們在本網站上使用。由適用法例所授予的一切權行，茲在此予以保留。除我們給予特許外，閣下不得以任何形式及方式，創立衍生作品、下載、翻印、複製，或節錄我們的故事或文章內容放在其他網站圖利。 而小朋友同家長感到吃力的位置，並唔係對分數的擔憂，佢地當中都好多係醒目仔女，考試都拎到80分以上；真正令小朋友同家長吃不消的，係突如其來的功課量、一連串未知數，唔知點準備小朋友升中先為之足夠… 呢個時候，去review一下小朋友平時日常生活習慣就變成不能不做的事。 功課多考試壓力大吃不消，同生活習慣又有咩關係？ #用舊習慣連結新習慣 #逐點建立自覺性 每個人每一日都只有24小時，如果小朋友越快pick up 到新的習慣改變，佢每一日可以achieve到的就會越多；在原本的好習慣上，連結新的習慣，等小朋友知道做完A就要做B，而唔係漫無目的咁做完一個task就等運到般等家長指示，自覺性就係咁樣慢慢建立起來。 小朋友由小學三年班就已經有好多習慣定落唔想變，係人之常情啦，每個人都有惰性慣性。呢個時候家長要做的唔係上而下命令式指揮小朋友改變原本的習慣，而係同佢一齊檢討同商量點去應對一些可以預見的挑戰：如果初小功課係少到去完遊樂場玩1個鐘，都仲可以半個鐘內做得完，會唔會由二年班下學期開始，由玩1個鐘變玩半個鐘，再用另外半個鐘做下補充練習或者睇下課外書？睇半個鐘Discovery Channel / National Geographic 都得！由純玩樂變成玩中學就已經係好大的改變了！ #習慣堆疊由幼稚園開始成效更為顯著 由小朋友讀緊K2開始，即使學校真係好happy零功課，家長可以嘗試每日請小朋友放學回家後，先做一頁小任務；呢頁的小任務可以按小朋友能力同升學需要而定，可以係一頁寫故事書入面的句子，又可以係一頁小畫作。做完小任務先再落公園玩，咁樣小朋友就知道每日放學第一樣要做的就係功課啦！ 生命中就是經常會出現一些突如其來的變化，要經得起考驗，我們的應變力、適應力和解難能力就要發揮作用。學會時刻檢視自己的行為習慣，學識善用習慣堆疊，育成一個對學習抱有好奇而能在教育制度下保留自信的寶寶也不是那麼困難！
筆者簡介
Miss Charlotte Chiu
Charlotte's Writing Garden
創辦人及唯一導師
擁有豐富的英文教學經驗，致力於研究高效學習策略，讓學生透過寫作發展出思考能力。
善於啟發學生的創意思維，激發他們在文字表達中發現自我，打破語言學習的框架，讓學習寫作變得有趣。
透過線上平台分享實用的英文寫作技巧，深入了解學生需求，提供最適合尖子的學習計劃，助他們在英文寫作中更上一層樓。
相信每個學生都有無限潛能，透過正確的學習方法，可以輕鬆掌握英文寫作，為未來的學業奠定穩固基礎。